Иргэд иргэний үнэмлэхээ Иргэний улсын бүртгэлийн тухай хуульд заасан хугацаанд солиулдаггүй, улсын бүртгэлд бүртгүүлдэггүй, хаяж гээсэн, үрэгдүүлсэн, гэмтээсэн, мөн хуульд заасан хугацаанд солиулаагүй тохиолдолд Зөрчлийн тухай хуульд заасны дагуу хариуцлага хүлээдэг талаар ойлголт, мэдээлэл дутмаг зэрэг шалтгааны улмаас дээрх зөрчил буурахгүй байна гэж судалгааны дүнгээс үзжээ.

Иргэний улсын бүртгэлийн тухай хуульд  иргэн 16, 25, 45 нас хүрсэн өдрөөс хойш 30 хоногийн дотор иргэний үнэмлэхээ тус тус солиулна гэж заасан бөгөөд энэхүү үүргээ биелүүлээгүй тохиолдолд Зөрчлийн тухай хуулийн 15.24 дүгээр зүйлд заасны дагуу 20 мянган төгрөгөөр торгодог ажээ.

Эх сурвалж: https://www.meds.gov.mn/?p=7327